Nakalilibang ding pampalipas-oras
Ang pagbusisi ng larawang kupas
Na sa puso'y nagbibigay lunas
Mga larawang may ngiti sa labi
Mga alaalang sa isip hinahabi
Kasalukuya'y pilit itinatabi
May mga ngiting kaygandang pagmasdan
Ang ibang kuha nama'y di maintindihan
Magkaganunpaman, sila'y manananahan
Bawat puso'y naghahanap
Ng sa kanya'y lilingap
At para sa mga pangarap
Upang mabigyang ganap
Muling isara ang aklat ng lumipas
Humugot ng hiningang kaylakas
Upang manumbalik ang panata ng pantas
At harapin ang pausbong na bukas
Subscribe to:
Post Comments (Atom)
mapa englis man o tagalog wala ka na talagang hahanapin kay ga ko...wink...wink....
ReplyDeleteaceborn